PSF : Dastoor

پی ایس ایف کا دستور Peoples Student Federation (PSF)

شق نمبر 1:۔۔۔۔۔۔۔۔۔۔۔۔ اس دستور کا اطلاق پیپلز سٹوڈنٹس فیڈریشن کے تمام ممبران اور عہدیداران پر ہوتا ہے۔

شق نمبر 2:۔۔۔۔۔۔۔۔۔ ہر وہ طالب علم جوپی ایس ایف کے بنیادی نظریات، تناظر، پروگرام، لائحہ عمل اور طریقہ کار سے متفق ہو۔ پی ایس ایف کے نظریات کی تبلیغ و ترویج کرے اور پی ایس ایف کی سرگرمیوں میں بھرپور کردار ادا کرے وہ پی ایس ایف کا ممبر ہو گا۔۔۔۔۔۔۔۔۔۔۔۔
شق نمبر 2ذیلی شق نمبر (i)۔۔۔۔۔۔۔۔۔ بنیادی نظریات:۔۔۔۔۔۔۔۔۔۔۔۔۔ چونکہ پی ایس ایف پاکستان پیپلز پارٹی کا سٹوڈنٹ ونگ ہے جسے شہید ذوالفقار علی بھٹو نے نظریاتی بنیادوں پر بنایا تھا۔ اس لئے پاکستان پیپلز پارتی کی بنیادی دستاویزات کے مطابق ایک گیر طبقاتی سماج کے قیام کے لئے سوشلسٹ نظریات کا استعمال ہی پی ایس ایف کا مطمع نظر ہوگا۔ لہٰذا بھٹو کے نظریات ہی پی ایس ایف کے بنیادی نظریات تصور ہوں گے۔۔۔۔۔۔۔۔۔۔۔۔۔۔

شق نمبر 2ذیلی شق نمبر (ii)۔۔۔۔۔۔۔۔۔۔۔۔۔ تناظر:۔۔۔۔۔۔۔۔۔۔۔۔۔ موجودہ عہد کے تقاضوں کے مطابق ایک طاقتور طلبا تنظیم تعمیر کرنے کے لئے ضروری ہے کہ سائنسی بنیادوں پر حالات و واقعات کو سمجھا اور پرکھا جائے اور اس کے بعد ایک تناظر تخلیق کر تے ہوئے ایک موزوں حکمت عملی اختیار کی جائے۔ اس لئے ہر سال پی ایس ایف کی قیادت کی طرف سے ایک دستاویزچھپوا کر پی ایس ایف کے تمام ممبران میں تقسیم کی جائے جس میں سماجی تبدیلی کا تناظر واضح کیا جائے۔۔۔۔۔۔۔۔ شق نمبر 3:۔۔۔۔۔۔۔۔۔۔ پی ایس ایف کا ہر ممبر اور ہر عہدیدار باقاعدہ طالب علم ہونا ضروری ہے۔۔۔۔۔۔۔۔۔۔۔

شق نمبر 4:۔۔۔۔۔۔۔۔۔۔۔ صوبائی عہدیداروں کی معیاد دو سال ہو گی اور دو سال بعد جمہوری طریقہ کار کے ذریعے نئے عہدیداران منتخب کئے جائیں گے۔۔۔۔۔۔۔

شق نمبر 5:۔۔۔۔۔۔۔۔۔۔۔۔ ضلعی عہدیداران کی معیاد ایک سال ہوگی اور ہر سال جمہوری طریقے سے نئے عہدیداران منتخب کئے جائیں گے۔۔۔۔۔۔۔۔۔۔۔۔۔۔۔۔

شق نمبر 6:۔۔۔۔۔۔۔۔۔۔۔۔۔۔ فیصلہ سازی کے لئے مندرجہ ذیل اصول واضح کئے جاتے ہیں۔۔۔۔۔۔۔۔۔۔۔

(i) تمام دادروں کے اندر کسی اختلافی نقطہ نظر کو حل کرنے کے لئے نظریاتی اور سیاسی بحث کی جائے ۔ ووٹنگ کے عمل سے بچنے کے لئے حتی المقدور کوشش کی جائے اور متفقہ فیصلہ قابل ترجیح ہو گا۔۔۔۔۔۔۔۔۔۔
(ii)اگر ووٹنگ ناگزیر ہو تو اقلیت کو اکثریت کا فیصلہ تقسیم کرنا ہو گا اور پوری دلجمعی کے ساتھ اس فیصلے پر عمل کرنا ہو گا۔۔۔۔۔۔۔۔۔۔

(iii)کسی بھی زیریں ادارے کے لئے لازمی ہوگا کہ وہ اپنے بالا اداروں کے فیصلوں پر عملدرآمد کو یقینی بنائے۔۔۔۔۔۔۔۔۔۔۔۔۔

(iv)کسی ایک ممبر یا عہدیدار کے خلاف اگر تادیبی کاروائی ضروری ہو جائے تو اس کے لئے اس ادارے کے ممبران کی اکثریت درکار ہو گی۔ اس کاروائی کے خلاف وہ شخص پی ایس ایف کی صوبائی تنظیمی باڈی کواپیل کرنے کا حق رکھتا ہے۔۔۔۔۔۔۔۔۔۔۔

(v)کسی زیریں اور بالا ادارے کے درمیان اختلاف کی صورت میں بالا ادارے کے فیصلے کو بر تر حیثیت حاصل ہو گی۔۔۔۔۔۔۔۔۔

(vi)اگر کسی بھی بالا ادارے کے اندر اختلاف ہو تو اسے بحث کے ذریعے حل کیاجائے۔۔۔۔۔۔

شق نمبر 7:۔۔۔۔۔۔۔۔۔۔۔۔پی ایس ایف کے تنظیمی ڈھانچے مندرجہ ذیل ہوں گے۔۔۔۔۔۔۔۔۔۔

صوبائی ڈھانچہ۔۔۔۔۔۔۔۔۔۔۔۔۔(i) صدر (ii) سیکرٹری جنرل (iii) سیکرٹری انفارمیشن و نشر و اشاعت (iv) سٹڈی سرکل انچارج ( v) فنانس سیکرٹری۔ ۔۔۔۔ ڈویژنل ،ضلعی اورتحصیل کے ڈھانچے بھی صوبائی ڈھانچے کی طرز پر ہوں گے۔۔۔۔۔۔ کے ہر تعلیمی ادارے یونیورسٹی، کالج، سکول میں بھی ادارے کی سطح پر یہی ڈھانچے اسی طرز پرگے۔۔۔۔۔۔۔۔

شق نمبر 8:۔ ۔۔۔۔۔۔ ۔۔۔۔۔۔ پی ایس ایف پنجا ب کی میتنگ ہر مہینے ہونا ضروری ہے۔ تاہم صدر اور سیکرٹری جنرل باہم مشاورت سے ہنگامی میٹنگ کال کر سکتے ہیں۔۔۔۔۔۔۔

شق نمبر 9:۔ ۔۔۔۔۔۔۔۔۔۔۔۔۔۔ ۔۔ ضلعی، ڈویژنل یا صوبائی عہدیدار اگر ایک ماہ یا اس سے زیادہ عرصہ کے لئے غیر فعال ہو جائے تو اس کو تبدیل کیا جا سکتاہے اور اس کے لئے وہی طریقہ کار استعمال ہو گا جوشق نمبر 6کی ذیلی شق (iv) میں درج ہے۔۔۔۔۔۔۔۔۔۔

شق نمبر 10:۔۔۔۔۔۔۔۔۔۔۔۔۔۔ تمام تعلیمی اداروں میں ہفتہ وار سٹڈی سرکل کا انعقادضلعی عہدیداران کی ذمہ داری ہو گی۔بصورت دیگر ان کے خلاف کاروائی کی جا سکے گی۔۔۔۔۔۔۔۔

شق نمبر 11:۔۔۔۔۔۔۔۔۔۔۔۔ ہر سال ضلعی کنونش کا انعقاد ضلعی عہدیداران کی ذمہ داری ہو گی۔۔۔۔۔۔۔۔۔۔۔
شق نمبر 12:۔۔۔۔۔۔۔۔۔۔۔۔۔۔۔ ہر دو سال کے بعد پی ایس ایف کا کنونشن کا انعقاد صوبائی عہدیداران کی ذمہ داری ہو گی۔